Во сообраќајна несреќа синоќа животот го загуби 19-годишниот играч на Лацио, Даниел Гуерини.
Италијанскиот фудбал повторно е во обвиен во црно откако синоќа вечерта во главниот град Рим во сообраќајка згасна млад фудбалски живот.
Како што пренесува La Gazzetta dello Sport, се работи за офанзивниот играч од средниот ред на младинскиот тим на Лацио, Даниел Гуерини, кој пред само четири дена го прославил својот 19-ти роденден.
Родум од Рим, кариерата ја почнал во Лацио, но во меѓувреме настапувал и за младинските категории на Торино, Фиорентина и СПАЛ, пред зимава да се врати во Лацио потпишувајќи тригодишен договор.
Тој е и поранешен младински репрезентативец на Италија за која играл во селекциите до 15 и 16 години.