Аргентински репрезентативец се договори со шпанскиот гигант Атлетико Мадрид.
Преговорите траеле неколку недели, за на крај исходот да биде успешен за двете страни, Лаутаро Мартинез ќе се пресели во Шпанија.
Момчето кое блеска во младата репрезентација и кај Сампаоли чека шанса за селекцијата А, игра за Расинг, а сега потпиша шестгодишен договор со „Јорганџиите“.
Лаутаро има само 20 години, на „Ванда Метрополитано“ ќе пристигне во јуни, како замена за Гризман кој сигурно ќе го напушти клубот.
Овој млад фудбалер беше на мета на Дортмунд, а тие го гледаа како идеална замена за Обамејанг, меѓутоа Симеоне беше гаранција дека Лаутаро веднаш ќе заигра за првиот тим на Атлетико.
Тој сака да остане уште шест месеци во Аргентина, каде игра стандардно.
Фудбалерот на Расинг ги чинел Мадриѓаните 12 милиони евра, а на лето би требало да формира партнерство со Диего Коста, кој, како и Витоло, право на играње за Атлетико ќе стекне во јануари.
