Со натпреварите од денешното 18-то коло се спушти завесата на есенскиот дел во најдобрата македонска фудбалска лига, со што домашниот фудбал замина на зимска пауза.
Бранителот Струга со гол во судиското надополнување дојде до бодовите дома против Брегалница и со тоа ќе презими на врвот. Веднаш зад нив е Шкупи кој славеше минимално во Струмица и во пролетниот дел ќе влезе со бод зад лидерот.
Трета со заостанување од 4 односно 3 бода е тетовска Шкендија, која денеска со победата над Силекс не им дозволи на кратовци да се доближат до третото место.
Ќе биде интересно и во борбата за опстанокот откако денеска Вардар запиша нова победа, овој пат над тиквешп, и дефинитивно фати приклучок. Од последните Вардар и Брегалница до петтиот Гостивар има разлика од само 7 бодови, што значи дека нè чека многу неизвесна борба за избегнување на испаѓање во втората лига.
Колото се отвори синоќа со натпреварот Гостивар - Македонија ЃП кој имаше контроверзна завршница по што клубот од населбата Ѓорче Петров јавно побара остави во Судиската организација.
Следува двомесечна зимска пауза по што пролетниот дел од сезоната ќе почне викендот на 17/18 февруари. За време на паузата клубовите ќе можат да се засилат во зимскиот трансфер период кој во Македонија ќе трае од 15 јануари до 11 февруари.
Резултати 18. коло:
Вардар - Тиквеш 2:0
23' Дарко Глишиќ, 87' Давид Велковски
Струга - Брегалница 2:1
12', 90'+2 Басиру Компаоре - 72' Виктор Велкоски
Воска Спорт - Работнички 3:2
40' Џемиљ Јахији, 46' Алекса Марушиќ, 87' Сикиру Олатунбосун - 53' Марселин Гандо, 84' Димитар Тодоровски
АП Брера Струмица - Шкупи 0:1
47' Кристијан Трапановски
Шкендија - Силекс 3:1
8', 61' Алмир Аганспахиќ, 90'+3 Еннур Тотре - 18' (п) Марко Ѓорѓиевски
Гостивар - Македонија ЃП 1:0
88' (п) Оланреваџу Кехинде
Табела:
