Суперјахта вредна 75 милиони долари е ставена на аукција на Гибралтар, откако е одземена од санкциониран руски милијардер. Ова се смета за прва продажба од ваков вид откако Русија ја нападна Украина.
Јахтата е запленета од властите на Гибралтар во март, откако американската банка ЈП Морган објави дека нејзиниот сопственик Дмитриј Пумпјански се откажал од условот на заем за 20 милијарди долари.
До Гибралтарскиот адмиралски суд се доставени 63 понуди за јахтата која собира 12 патници во шест кабини и има базен, спа центар, 3D кино и опрема за водени спортови.
Пумпјански до март беше сопственик на јахтата. Според Forbes. неговото богатство е проценето на 2 милијарди долари.
Јахтата Axioma е првата запленета луксузна јахта за која се знае дека е ставена на аукција откако Западот воведе санкции за богатите Руси блиски до претседателот Владимир Путин.