Синоќа заврши регуларниот дел од сезоната во Евролигата. Познати се тимовите кои влегоа во плеј-офот (Реал, Панатинаикос, Монако, Барселона, Олимпијакос, Фенербахче) и оние кои ќе играат плеј-ин (Макаби, Басконија, Анадолу Ефес, Виртус Болоња).
Пред почетокот на плеј-офот, познати се две сигурни двојки: Монако - Фенербахче и Барселона - Олимпиакос.
Во плеј-ин Макаби ќе ја пречека Басконија, победникот од овој натпревар ќе биде седми и ќе игра во плеј-офот против Панатинаикос.
Победникот од Анадолу Ефес и Виртус Болоња ќе играат за осмото место против поразениот од дуелот Макаби - Басконија. На крајот победникот за противник ќе го има Реал Мадрид.
Плеј-ин дуелите се закажани за 16-ти и 19 април.
Четвртфиналните серии ќе се играат за три победи, од 23 април до 8 мај, а фајналфорот ќе се одржи од 24-ти до 26 мај во „Мерседес Бенц“ арената во Берлин.
