Храната што ја јадете, периодот во денот како и количината што ја внесувате, може да влијае на шеќерот во крвта.
Важно е да внимавате на неговите вредности бидејќи ако се зголеми може да дојде до хипергликемија која може да повлече со себе низа сериозни критични состојби како срцеви заболувања, оштетување на бубрези и оштетување на нерви. Иако генетиката може силно да влијае на шеќерот во крвта, изборот на храна што ја внесувате исто така има големо влијание.
Најдобра навика во исхраната за намалување на шеќерот во крвта е намалувањето на консумирање рафиниран шеќер што го внесуваме во организмот преку храната и пијалаците.
Важно е да ги разликувате видовите шеќер кои се наоѓаат во храната. Додадениот шеќер е една од главните состојки во соковите, готовите кофеински пијалаци, тортите, печивата, житарките и други преработени намирници.
Овој облик на шеќер нема нутритивна вредност освен што не полни со калории.
Другите облици на шеќер кои природно се наоѓаат во овошјето не предизвикуваат ист ефект на шеќер во крвта како дополнителниот шеќер и доаѓаат заедно со многу витмаини и минерали во храната во која се наоѓаат.
За да го намалите внесувањето на додаден шеќер треба да внесете промени во исхраната, но и во животниот стил.
- вежбајте неколку пати неделно за да ја подобрите отпорноста на инсулин
- јадете повеќе храна која содржи растителни влакна
- јадете протеини и масти заедно со извори на јаглехидрати, како на пример овесни снегулки со млеко или во комбинација со грчки јогурт и јаткасти плодови.
