Во најголемата земја на светот регистрирани се вкупно 10,15 милиони автомобили што спаѓаат во crossover/SUV/off-road возила, или 23% од сите регистрирани возила во Русија, објави Autostat.
Од вкупниот број вакви возила, најмногу се од брендот Lada, односно 1,2 милиони или скоро 12%. Секое десетто SUV возило ја носи ознаката Toyotа (1,03 милиони), додека на трето место на листата најпопуларни SUV возила во Русија е бендот Nissan (933.000).
Меѓу десетте најпопуларни брендови на автомобили во Русија кога станува збор за SUV и crossover модели, се наоѓаат и: Chevrolet (699.000), Mitsubishi (620.000), Hyundai (601.000), UAZ (598.000), Renault (492.000), KIA (444.000) и Suzuki (332.000).
