Ликот на сирискиот претседател Башар Асад за прв пат се појави на банкнота издадена во земјата.
Централната банка на Сирија вчера ја покажа банкнотата од 2.000 сириски фунти со ликот на Асад.
Ова е прво пуштање на банкнота од 2.000 сириски фунти во оптег во земјата чија национална валута изгуби 90 % од вредноста од почетокот на граѓанската војна во 2011 година. Ова е банкнота со најголема вредност досега во историјата на Сирија.
Досега, само еден претседател, Хафез Асад, таткото на актуелниот лидер, бил претставен на банкнота, онаа од 1.000 сириски фунти.
Војната во Сирија почна во 2011 година по протестите против владата на Асад и потоа прерасна во комплексен вооружен судир во кој се вмешани домашни, регионални и меѓународни актери.