Жена од Тексас, САД е уапсена откако било најдено тело во распаѓање во станот со две спални соби каде живеела со ќерка ѝ.
Полицијата соопшти дека телото е на нејзината мајка (71) која починала во 2016 година откако паднала.
Уапсената жена, чиј идентитет не беше откриен, не ѝ пружила на мајка си соодветна помош откако таа паднала и старицата починала неколку дена по падот што инаку немало да биде фатален ако добиела помош.
Останките на телото биле најдени на подот во една од спалните соби. 47-годишната жена и ќерка ѝ спиеле во другата соба.
Внуката имала помалку од 15 години кога се случил инцидентот и била приморана да живее со труп во домот, па мајката се товари и за „повреда и загрозување на добросостојбата на малолетник до 15 години“.
Девојката е згрижена од социјалните служби и ќе живее со роднини додека истовремено ќе добива помош од службите.
Мајката се соочува со затворска казна до 20 години и парична казна до 10.000 долари.
Полицијата соопшти дека бабата била почитуван член на локалната заедница и 35 години работела како секретарка и наставничка во локалното училиште.
Не е познато зошто жената не ја пријавила смртта на мајка ѝ. Се претпоставува дека причината е финансиска измама, односно за да продолжи да ја прима нејзината пензија.