Јапонскиот суд одлучи дека Владата треба да им исплати 500 милиони јени (4,45 милиони долари) на жителите на Фукушима, кои беа погодени од експлозијата која настана во нуклеарната централа во градот.
Одлуката на судот дојде откако претходно државата Јапонија беше прогласена како виновна бидејќи требала да преземе поголеми мерки за заштита на жителите на овој град.
Да потсетиме, експлозијата на нуклеарната централа се случи во 2011 година, кога поради прегревање на реакторите тие избија и испуштија огромна количина на радијација, правејќи ја најлошата нуклеарна катастрофа по онаа во Чернобил, 25 години претходно.
Сега, државата ќе мора да им исплати 500 милиони јени на луѓето од Фукушима, иако тоа ќе реши само мал дел од финансиските проблеми на луѓето кои живеат таму.
Повеќе од 12.000 луѓе беа погодени од експлозијата, а компанијата која дотогаш управуваше со централата, „Tokyo Electric Power“, веќе исплати голема сума на пари за локалните граѓани.
Цели 6 години по несреќата, повеќе од 50.000 луѓе живеат во неизвесност, бидејќи не знаат дали некогаш повторно ќе си ги видат домовите.
