Жрепка ФА куп: Се избегнаа Сити и Јунајтед

Веднаш по комплетирањето на сите осминафинални натпревари ФА ја направи жрепката за четвртфиналето од најстариот куп во светот.

Во жрепката влегоа 4 премиерлигаши, 3 од Чемпионшип, и 1 клуб од Лиг 2 - четврта по ранг лига во Англија.

Најголемото изненадувањље, четвртолигашот Гримсби, кој синоќа го исфрли премиерлигашот Саутемптон и тоа со победа на гости, ќе има нова премиерлигашка препрека откако ќе игра против сезонава одличниот Брајтон. Иако непознат, Гримсби е многу стар клуб формиран пред 145 години, односно во 1878 година. Има 12 сезони играно во најдобрата лига на Англија, тогаш Прва дивизија, но последен пат во сезоната 1947/1948.

Гигантите од Манчестер, Сити и Јунајтед, се избегнаа во жрепката и навидум ќе имаат лесни задачи во Барнли и Фулам.

Натпреварите ќе е играат на 18 и 19 март. Во случај на реми, се игра нов натпревар на теренот на екипата која била гостин. Полуфиналната жрепка ќе се одржи по комплетирањето на сите полифиналисти.