Реал Мадрид е значително ослабен со повреди, па на списокот играчи за натпреварот со Борусија Дортмунд се најдоа и двајца играчи од Б-тимот.
Фудбалерите на Реал утре ќе се обидат да дојдат до првата победа на стадионот „Вестфален“ во Дортмунд, откако во последните шест дуели со Борусија во гости беа поразени три пати, а три пат играа нерешено.
И овојпат нема да му биде лесно на двократниот шампион на Европа, имајќи предвид дека неколкумина од првиот тим нема да патуваат за Германија поради повреди.
На терен нема да ги видиме Карим Бензема, Марсело, Матео Ковачиќ, Тео Ернандез и Хесус Валјехо, па Зинедин Зидан мораше на списокот од 20 играчи да додаде и вајца од Б-тимот, Реал Мадрид Кастилја.
Тука спаѓаат неговиот 19-годишен син Лука Зидан (голман) и 21-годишниот дефанзивец Техеро.
Мала е веројатноста дека некој од нив двајцата ќе добие прилика да заигра на утрешниот натпревар од второто коло на Лига европа, но патувањето со асовите од првиот тим сигурно ќе им значи како искуство.
