Зинедин Зидан (51) ја избра идеалната фудбалска петорка за Sports Illustrated.
Изненадување беше што го вметна легендарниот хрватски капитен Звонимир Бобан, иако многумина очекуваа на тоа место да го видат Лука Модриќ со кого успешно соработуваше како тренер во Реал Мадрид.
Во голот на идеалната петорка на Зидан е неговиот поранешен репрезентативен колега Фабиен Бартез, со кој го освои Светското првенство во 1998 година и Европското првенство две години подоцна. Единствен одбранбен играч е „миланезот“ Паоло Малдини, против кого често играше во Серија А како играч на Јувентус.
Во средниот ред е Н’Голо Канте, кој неодамна од Челси се пресели во Ал Наср, а во тандем со него е и Бобан. Зидан и Бобан беа противници на почетокот на милениумот кога Зидан беше најголемата ѕвезда на Јувентус, а Бобан беше играч на Милан. Зидан и Бобан играа еден против друг во полуфиналето на Светското првенство 1998 година.
Тогаш Франција со пресврт ја победи Хрватска со 2:1, а на тој меч хрватскиот капитен Бобан беше виновникот за првиот гол на Лилијан Турам. Нападот го предводи Бразилецот Роналдо Назарио, со кого Зидан играше во Реал Мадрид.
Идеалната петорка на Зидан: Фабиен Бартез, Паоло Малдини, Н'Голо Канте, Звонимир Бобан, Роналдо Назарио.
Зидан во својата кариера настапуваше за Кан, Бордо, Јувентус и Реал Мадрид, а за француската репрезентација одигра 108 натпревари и постигна 31 гол. Кариерата ја заврши во 2006 година во Реал, а во 1998 година ја освои Златната топка.
Во својата тренерска кариера раководеше само со Реал Мадрид и со него освои три ЛШ. Тој го напушти клубот во 2021 година и оттогаш не води никого.
