Светот на животните е фасцинантен и неверојатен, а многу работи сѐ уште се енигма за научниците. Дали досега сте виделе како изгледа јајце со младенче од ајкула?
Јајце со младенче од ајкула не е баш секојдневна глетка или нешто на што така лесно може да наидете, но токму тоа му се случи на еден рибар, кој одлучи на сите да им покаже како изгледа тоа.
Рибарот неговите авантури редовно ги споделува на TikTok профилот zoo_look_fishing, па токму овде може да ја дознаете неговата неверојатна приказна за јајцето со бебе ајкула. Тој случајно на плажа пронашол јајце внатре со живо младенче од ајкула кое потоа го зачувал и спасил од сигурна смрт.
„Го најдов ова малечко во јајце на плажа. Го донесов дома со надеж дека ќе го излекувам и повторно ќе го пуштам во природата. Ако го оставев, ќе се исушеше и загинеше на плажа“, објаснува рибарот
@zoo_look_fishing Our little friend is still alive and well! Really hope this little sharks survives and we can see it hatch to safely return it to the ocean. #ocean #sharkegg #babyshark #hatch #grow #saveouroceans #savethesharks ♬ Get You The Moon - Kina
Фасцинантната снимка има над 24 милиони прегледи и се гледа необично јајце во облик на капсула, додека во внатрешноста има живо битие.
Некои ајкули ги раѓаат младенчињата живи, додека други положуваат јајца во карпи или алги.
„Со големите бранови понекогаш се „откачуваат“ и завршуваат на плажа. Ова е прв пат да пронајдам јајце со живо суштество во него. Обично се празни“, вели рибарот.
Засега, јајцето го чува во сад со малку песок на дното.
„Нашиот пријател и понатаму е жив. Навистина се надевам дека ќе преживее и дека ќе го вратиме безбедно во океанот. Многумина ме прашаа зошто едноставно не го вратив во водата. Ако го сторев тоа, брановите повторно ќе го исфрлеа и ќе загинеше. Минаа неколку дена, а тој станува посилен и се надевам дека ќе преживее“, додава тој.
„Природата е фасцинантна, не знаев дека ајкулите положуваат јајца додека не ја видов оваа снимка“, гласи еден од коментарите.
