Мајка коала во Зоолошката градина Квинсленд во Австралија доби неколку коала младенчиња, од кои едното неодамна се појави од нејзината торба со ретка бела боја на крзното.
Од зоолошката велат дека женското младенче не е албино, туку бледата боја на крзното се должи на редок рецесивен ген што најверојатно го наследила од мајката. Можно е да не ја задржи белата боја на крзното кога ќе порасне.
Доктор Роузи Бут, директорка на Австралиската болница за диви животни вели дека ваквата појава е ретка и дека кога се јавува ваков примерок во дивината, ретко преживува бидејќи не може да се адаптира на средината.
За среќа, младенчето живее во зоолошка градина чии вработени побараа помош од корисниците на Facebook за име на женското младенче.
Секако, интернетот не ги изневери и веќе има над 3.000 коментари со интересни предлози, како Денeрис Таргариен, Кралицата на змејовите од ТВ-серијата „Game of Thrones“ која има бела коса и Олаф, како снешкото од „Frozen“.