Автобиографијата на Хари се распродаде во еден ден и стана најпродавана публицистичка книга во историјата. Одметнатиот принц во неа откри шокантни детали од неговиот живот.
Најмногу ја вознемири јавноста со признанието дека убил 25 луѓе во Авганистан.
Од друга страна, Хари се најде повреден од тоа што бројни медиуми пишувале како се фалел дека убил 25 луѓе во Авганистан, каде служел во два наврати. Првин како контролор на летови, а потоа и како копилот во хеликоптерите Apache.
Реагираа и бројни воени функционери кои го осудија признанието на Хари, тврдејќи дека со тоа се загрозува и себеси и другите, бидејќи може да дојде до одмазда.
Но, во текот на гостувањето кај Стивен Колберт, Хари откри зошто признал дека убил 25 луѓе, обвинувајќи ги медиумите дека ги извадиле неговите зборови од контекст.
„Без сомнежи, најопасната лага што медиумите ја пренесоа е тоа дека сум се фалел со бројот на луѓе кои ги убив во Авганистан“, изјави Хари и нагласи дека проговорил за ова за да се намали бројот на самоубиства на воени ветерани.
„Ја споделив оваа информација бидејќи скоро две децении минав работејќи со ветерани низ светот и сметам дека е најважно да се биде искрен и да се даде простор на другите да ги споделат своите искуства, без да се срамат за тоа“, смета Хари.