Интелигенцијата може да биде благослов, но истовремено и препрека во формирање врски во животот, и тоа уште од раното детство.
Препрека во создавањето пријателства, а подоцна и во љубовните односи. Всушност, многу луѓе со висока интелигенција се борат да ја пронајдат својата сродна душа и тоа воопшто не им оди лесно.
Постојат неколку причини зошто е така:
Размислуваат премногу
Во некои ситуации тоа може да биде добро, но не во сите. Оние кои не размислуваат толку многу неа да воочат работи кои ќе ги одвратат од некого. А, да бидеме реални, секогаш може да најдеме причина поради која нешто не е доволно добро за нас.
Не им е проблем да бидат сами
Всушност, уживаат да бидат сами, тоа е време кое го минуваат во самотија, за да ги наполнат батериите, да учат и растат. Секако е супер кога имате покрај себе некој кој ви одговара, но не е неопходно.
Целите им се на прво место
Интелигентните луѓе имаат свои цели, ги поставуваат на прво место и се друго е зад нив. Не им е проблем да градат кариера, да работат 24/7, додека сите други бараат љубов.
Не е лесно да ги разберете
Не е лесно да го разберете нивниот начин на размислување, ниту секојдневните потреби и навики. Понекогаш зборуваат на необичен, специфичен начин, а во некои ситуации дури делуваат невротично.
Имаат високи стандарди
Интелигентните луѓе обично имаат високи стандарди кога станува збор за луѓето кои ги опкружуваат. Секако дека има и исклучоци, но повеќето од нив нема да се согласат на помалку од тоа што го заслужуваат. Ако тоа значи дека на својата сродна душа ќе чекаат подолго, на тоа и ќе се согласат.
