За патувањата на кралицата секогаш ѝ е потребно многу багаж, помошници, обезбедување, огромно количество накит и нејзините корги кученца. Но едно нешто што не ѝ треба е пасош.
За разлика од сите нас, вклучувајќи го и целото кралско семејство, кралицата Елизабета нема потреба да покаже пасош во ниту една земја, на ниту една граница.
Тоа се должи на фактот што сите британски пасоши се издаваат во име на кралицата.
„Кога патува во странска земја, на кралицата не ѝ е потребен пасош. Корицата на британскиот пасош е во црвена боја, изработена според правилата на ЕУ и го содржи грбот на кралицата. На неговата прва страна пишува:
‘Секретарот на државата бара во име на Нејзиното Величество секој кој го поседува овој пасош да патува безбедно и да биде примен во државата која сака да ја посети.
Поради тоа што овој пасош се издава во име на кралицата, не е потребно таа да поседува пасош. Сите други членови на Кралското семејство поседуваат пасоши.“, пишува на официјалната веб страна на кралското семејство.
Според Business Insider, кралицата е исто така поштедена од поседување на возачка дозвола.