Многумина имаат проблеми со лигавењето навечер и будењето на мокра перница. Покрај тоа со лигавењето многу често доаѓа и ’рчењето, со што проблемот станува поголем бидејќи им смета во спиењето на луѓето.
Постојат многу причини за тоа. Кога спиеме мускулите се опуштаат и плунката што се собира во устата полесно го наоѓа патот кон надвор. Овој проблем е предизвикан најчесто од затнат нос или сериозни проблеми со синусите. Лигавењето може да се запре така што ќе ги прочистите синусите пред спиење. Постојат повеќе начини за чистење на синусите, еден од нив е капење во топла вода или туширање со топла вода и масажа со етерични масла.
Лигавењето и ’рчењето се главни показатели за проблеми со дишењето. Многу фактори влијаат на нивната појава, а еден од нив се цигарите. Лигавењето може да биде поврзано со неколку индикации како неправилна положба при спиење, алергиски ринитис, киселост, синусна инфекција или тонсилитис.
Како да го спречите? Обидете се да спиете на повисока перница бидејќи така ќе ги намалите лигавењето и ’рчењето, а можете почесто да спиете странично или на стомак.