Луѓето кои се зимурливи во текот на зимата константно тежнеат да бидат што повеќе стоплени во близина на грејни тела, но експертите истакнуваат дека никако не е добро да спиете во близина на радијатор.
Не само што во текот на ноќта ќе ви биде топло и ќе се потите, постојат и други здравствени ризици од прекумерна топлина во текот на спиењето.
Експертите советуваат дека растојанието меѓу креветот и радијаторот не би требало да биде помалку од еден метар. Ако креветот е поблиску до грејно тело од препорачаната оддалеченост, лекарите предупредуваат дека вашето тело ќе биде изложено на интензивна топлина што може да покрене други здравствени проблеми. Ваквиот топлотен удар претставува дополнителен стрес за телото, барајќи од него да вложи напор за да се олади.
Ова, пак, може да влијае негативно на срцето, особено ако станува збор за луѓе кои веќе имаат некое хронично заболување и кардиоваскуларниот систем им е ослабен.
Температурите над 22 или 23 степени Целзиусови влијаат негативно на кардиоваскуларниот систем, создавајќи дополнително оптоварување на миокардот“, истакнуваат експертите од американскиот центар УСА.
Долгиот престој во загреана и слабо проветрена просторија ја влошува состојбата на организмот дури и кај најздравите луѓе. Како последица на тоа може да се јават поспаност, умор, летаргија, намалена продуктивност и способност за работа, како и чувство на „магла“ во мозокот кое се јавува поради неадекватно снабдување на кислород во мозокот.
Кога станува збор за спалната соба, особено е важно да проветрите пред спиење. Температурата во собата не би требало да биде над 16 степени.