„Секојпат кога ќе скубнете седо влакно, на негово место ќе израснат повеќе“ – сите сме го слушнале овој мит, но дали е вистина?
Се покажа дека скубењето на седите влакна не е добра идеја, но не затоа што ќе ви израснат повеќе.
„Посакувам ова да беше вистина, бидејќи тогаш ќе можевме многу лесно да им помогнеме на луѓето кои се соочуваат со опаѓање на косата“, рече Мирза Батановиќ, стилски директор на професионален бренд за нега на коса.
„Но, со вадење на едно влакно, не се стимулира растот на повеќе, тоа е идеја што нема основа во науката. Нормално е да се губат до 159 влакна на ден, но во основа тие не се поврзани на кој било начин. така што скубењето на едно не влијае на другите“.
Значи, што точно се случува кога ќе скубнете седо влакно за да не морате да го гледате, дури и на кратко? Според Мајкл Ван Кларк, фризер од Лондон, „скубнатото влакно на кое сте му го скратиле животот ќе се одмори и ќе почне следниот циклус на раст по околу три месеци“.
„Во секој циклус по околу 20 години, косата повторно расте малку потенка и останува малку пократка. Циклусите на косата на главата траат во просек по пет години, а има ограничен број циклуси на раст“, објасни тој.
Освен што ќе скратите еден од тие циклуси, можеби правите вистинска штета што би било тешко да се поправи.
„Скубењето на влакната може да го трауматизира фоликулот на косата, што може да доведе до инфекција, па дури и до ќелави точки“, предупредува стилистката Џенифер Кораб. „Можеби правите повеќе штета отколку добро.“
Седата коса е неизбежен дел од стареењето, па ќе ги забележувате сè повеќе како што поминува времето.
„Меланинот е пигментот кој им дава боја на косата и кожата“, објасни стилистката Хелен Риви.
„Бројот на пигментните гранули природно почнува да се намалува како што старее човекот, обично на возраст од 28 до 40 години. Тоа е затоа што меланоцитите, клетките кои произведуваат меланин, почнуваат да забавуваат и да го губат својот ефект. Косата всушност не е сива, таа е целосно проѕирна. Сивиот тон е всушност процент од останата природна боја на косата, што предизвикува повеќе различни нијанси“, рече таа.
Вашата ДНК и вашиот животен стил играат улога во тоа колку брзо се појавува сивата боја, изјави Хуан Серано, директор за маркетинг на бренд за нега на коса.
„Вашата биолошка градба и генетиката одредуваат кога ќе почне да ви се проседува косата“, рече тој. „Стресот може да го засили или забрза процесот.“
