Кога децата почнуваат да плачат, природен инстинкт за многу родители е да им кажат да престанат.
Но според многу стручњаци, иако ова го решава актуелниот проблем, долгорочно би можело да биде исклучително штетно.
Џекс Андерсон, мајка која по професија е родителски советник, тврди дека зборовите со кои се обидуваме да го натераме детето да престане да плаче како „во ред е“, „добро си“, „тоа е само гребнатинка“, „биди храбро“ и слични, се бескорисни и подоцна ќе влијаат на способноста на детето да се справи со емоциите во животот.
„Им правиме лоша услуга на децата кога бараме да ги контролираат чувствата. Секако дека се вознемирени - паѓаат, ги боли коленото, гледаат крв. Не можат да ја контролираат болката и изгледа страшно“, објаснува Андерсон.
Таа објасни дека ако родителите продолжат да користат „бескорисни“ фрази, детето ќе почне да се сомнева во своите чувства.
Како што тврди, со текот на времето ќе има впечаток дека си создава непријатност на себе или на другите и дека треба да ги „задуши“ своите вистински чувства.
„Чувствата се нешто што се случува и на децата им е потребна помош да управуваат со нив. Не можат да ги контролираат“, објасни таа.
Наместо да се обидува да ги одврати од плачење, таа тврди дека е подобро да ги гушкате децата, да им кажувате работи како „жал ми е“, „во ред е да плачеш“ или „сигурно е страшно што виде крв/гребнатини“.
Друго што можете да направите е да побарате од нив да споделат со вас како се чувствуваат во моментот.
Според Фондацијата за ментално здравје, приближно едно од десет деца и млади луѓе се погодени од проблеми со менталното здравје. Психотерапевтката Ејми Морин од САД тврди дека на ова влијае и оваа родителска грешка.
Можеби на почетокот овие реченици нема да помогнат, но подоцна детето сигурно ќе ги разбере и на овој начин ќе го научите како да се справи со различните емоции.