Дали некогаш сте се запрашале зошто е забрането да се смеете на фотографијата за пасош?
Сите нови пасоши во себе содржат чип во кој се сместени биометриски информации за вас кои се изведени од фотографијата, а баш тие се главната причина поради која на фотографијата за овој документ е забрането да се смеете или пак да носите очила за вид или за сонце.
Фотографијата на пасошот се скенира и клучните карактеристики на вашето лице како што се одалеченоста помеѓу очите, од врвот на носот до брадата итн. по што се користат за генерирање на т.н. математички мапи.
Сè што ги нарушува или сокрива тие мапи како носење очила за сонце или широка насмевка, ја намалува ефективноста од користењето на алгоритмот. Ова е причината поради која е забрането да се смееме на фотографијата за пасошот.
