Ако во последно време ви се случува да се разбудите нерасположени, не сте единствени. Секој има такви денови во кои се буди со лошо расположение или се чувствува чудно.
Додека депресијата, стресот, алкохолот и промената на годишното време можат да доведат до негативна состојба на умот по будење, за лошото расположените најверојатно е заслужен недостигот на сон. Последиците од тоа можат да бидат долгорочни.
„Основните перцепции на светот суптилно се менуваат кога сте преуморни“, вели Пенелопи А. Луис, авторка на „Тајниот свет на сонот“.
Се зголемува чувствителноста на мириси и се намалува можноста за забележување на кисели вкусови. Постојат и суптилни проблеми со слухот и видот.
Докази сугерираат дека уморот може да не доведе до тоа да го гледаме светот низ негативен филтер. На пример, многу е веројатно дека нечиј неутрален израз на лицето може да го толкуваме како негативен и малку е веројатно дека во состојба на умор ќе бидеме расположени за хумор.
Не е јасно зошто тоа се случува, но истражување сугерира дека делот кој обично ги филтрира негативните чувства е оневозможен поради недостиг на сон.
Што треба да направите за да го спречите тоа?
Обрнете внимание на тоа што вечерате пред спиење. Ако јадете храна со многу шеќери или храна богата со рафинирани јаглехидрати како леб, пица, тестенини, ќе си легнете сити, но високото ниво на шеќер во крвта во текот на ноќта може драстично да опадне.
Може да имате проблеми со спиењето ако се чувствувате анксиозно или напнато, тоа би можело да укажува на недостиг на магнезиум, есенцијален минерал чие ниво опаѓа од стрес.
Магнезиум има во зелениот зеленчук, затоа е важно да го јадете секој ден.
Појадокот по будење е клучната работа за подобрување на расположението. Идеални намирници за појадок се јајца, јогурт, авокадо, тост од интегрален леб, интегрални житарки со јогурт и слично.