Поминаа 12 години откако поранешните вработени во PayPal Чед Харли, Стив Чен и Џавед Карим го основаа YouTube, што денес е најпопуларниот сервис за размена на видеосодржини.
Сега, популарниот канал доби и редизајн на логото што не беше сменето во текот на целото негово досегашно постоење.
Логото на YouTube беше прилично несовремено, составено од два збора од кои „Tube“ беше во црвено прозорче.
„Никој не знаеше што значи зборот ‘tube’. Тоа е сленг за ТВ-сет со вакуумски цевки. Меѓутоа, веќе ни цевките, ни телевизијата веќе не се клуч на најголемиот видеосервис на светот што го посетуваат речиси 1,5 милијарди луѓе месечно“, вели Кристофер Бетинг, шеф на Одделот за уметност и дизајн на YouTube.
Затоа брендот го доби најголемиот естетски редизајн досега. Логото е освежено и сега акцентот е ставен на копчето Play во црвено прозорче, пред зборот YouTube.
Видеосервисот исто така внесе новитети и во дизајнот на страницата и распоредот на некои функции, како на десктоп, така и на мобилната верзија.
Од Одделот за уметност и дизајн на YouTube велат дека првичната намера им била да го укинат црвениот знак Play за да го поедностават логото, но потоа ссфатиле дека со текот на годините тој знак станал важен дел од нивниот бренд.
„Тоа копче Play што секогаш го гледаат нашите корисници стана амбасадор на нашиот бренд и наша неофицијална кратенка. Откако направивме некои истражувања, заклучивме дека мала е разликата меѓу препонавање на копчето Play и зборот YouTube“, велат дизајнерите.