На денешен ден, 28 септември, во 1993 година, Владата на Демократска Народна Република Кореја донесе одлука за признавање на Република Македонија.
Две години подоцна, властите во Македонија воспоставиле пријателски односи со Народна Република Кореја (Северна Кореја), која тогаш беше под водство на Ким Џонг Ил, таткото на денешниот лидер Ким Џонг Ун.
Нетпрес пред 12 години објави видео од 1995 година од потпишувањето на првиот официјален документ меѓу Северна Кореја и Македонија - протоколот за соработка меѓу министерствата за надворешни работи на двете земји.
Протоколот го потпишуваат тогашниот потсекретар на Министерството за надворешни работи Виктор Габер и висок претставник на ДНРК.
Демократска Народна Република Кореја или позната како Северна Кореја, е држава во Источна Азија која го зазема северниот дел од Корејскиот Полуостров. Главен град на ДНР Кореја е Пјонгјанг, а службен јазик во државата е корејскиот јазик. Северна Кореја се граничи со Кина на север и со Република Кореја (Јужна Кореја) на југ. Во крајниот северен дел има допирна точка и со Русија, преку реката Тумен.