Жена од Њујорк има нокти долги половина метар и живее најнормален живот. Маникирот ѝ трае повеќе од 8 часа, вложува многу пари во ноктите и сака да ги има најдолгите во светот.
Американката ЛаРу Драмонд од Њујорк не ги исекла ноктите во последните четири децении. Имено, кога здогледала прекрасен маникир на рацете на жена која не ја познавала, нејзин животен сон станало да има најдолги во светот. Моментално ѝ се долги 56 сантиметри, секојдневно се грижи за нив, а целиот процес на нега досега ја чинел повеќе од 10.000 евра.
„Кога бев мала си ги грицкав ноктите додека не почнеа да крварат. Но, со решителност и поддршка на моето семејство, успеав да ја искоренам таа навика“, ја почнува својата приказна ЛаРу, пренесува Daily Star.
Оваа необична дама сама не ги одржува ноктите, туку редовно оди во салон за убавина. Веќе со години ги доверува исклучиво на Мариа Ортис, која ја нарекува кралица на маникирот.
„Целосно ѝ верувам, таа го подигнува маникирот на посебно ниво на креативност. Кога ќе ја посетам, таа тој ден ги средува само моите нокти, бидејќи ѝ се потребни околу 8 часа да ги направи“, истакнува оваа њујорчанка.
Не се грижат за коментарите на оние околу неа и вложува многу труд за да не скрши ниту еден од долгите нокти.
„Моите нокти се дел од мојата личност, со нив јас сум вистинската јас. Ако некој од моите нокти пукне до таа мера да не може да се поправи, ќе бидам многу тажна“, искрено вели таа.
Посебно нагласува дека нејзините претерано долги нокти воопшто не ѝ пречат и дека нормално ги извршува сите секојдневни обврски, а работи и како дадилка.
„Се надевам дека ќе го соборам светскиот рекорд за најдолги нокти. Тие се мои бебиња“, заклучи таа.
