Здравата и негувана коса е императив за речиси секоја жена, но одредени навики кои ги применуваме може значително да го уништат нејзиниот квалитет.
Тејлор Роуз од Мичиген е трихолог - специјалист за коса и скалп, како и во спектарот на сродни нарушувања поврзани со развојот на косата, и ја проучува и третира косата и скалпот, а сега на сите припаднички на понежниот пол им даде некои вредни совети.
Тејлор вели дека не треба да ја обликувате косата во пунџа повеќе од еднаш неделно. Според неа, тоа може да предизвика „влечење“ на косата.
„Не треба да претерувате“, вели таа.
„Од време на време нема штета, но ако стално ги користите овие тврди гумички можете да ја скршите косата точно на средина“, вели оваа експертка.
Наместо обични гимички за коса, таа препорачува да користите свилени или сатенски гумички за коса.
Тејлор Роуз вели дека косата е како сунѓер, кој апсорбира хлор и хемикалии кои се наоѓаат во водата во базенот. Наместо тоа, таа препорачува темелно да ја навлажнете косата со чиста вода пред да влезете во базен, со што ќе се погрижите водата од базенот што помалку да ја оштети косата.
„Забележав огромна разлика во здравјето на мојата коса кога престанав да го правам ова“, вели Тејлор, која додава дека косата е најслаба кога е мокра.
„Спиењето со мокра коса може да направи многу штета. Косата се состои од 33% водородни и јонски врски, а двете се 'кршат' од водата и се реформираат кога е сува, што значи дека косата е чувствителна на оштетување кога е влажна“, истакнува Тејлор.
Совет на Тејлор Роуз е да ја оставите вашата коса да се исуши 85% пред да ја фенирате и стилизирате.
„Кога косата е слаба, треба да избегнувате каква било штетна активност, а топлината е една од најштетните“, вели таа.
