Сопственикот на Челзи, Роман Абрамович, е во еуфорија поради освојувањето на Лигата на шампионите и одлучи буџетот за засилувања во летниот преоден рок да изнесува 230 милиони евра, пишуваат англиските медиуми.
Германскиот стратег Томас Тухел веќе планира да доведе тројца играчи и тоа Ромелу Лукаку, Деклан Рајс и Адама Траоре.
Челси веќе еднаш го имаше купено тогаш 18-годишниот Лукаку, но на „Стемфорд Бриџ“ немаа трпение, па го испратија на позајмица, а по откупот подоцна играше за Евертон и Манчестер Јунајтед, додека денес е најдобар стрелец на Интер.
Минатата сезона постигна 24 гола и имаше 9 пати асистираше, но Интер е во финансиски проблеми и поради тоа летово ќе мора да продаде некои од своите најдобри играчи за да ја пополни финансиската дупка.
Челси всушност сака да го врати и Рајс, бидејќи дефанзивниот играч за врска беше во младинскиот погон на „Сините“ цели 8 години, сè до 2014 година кога отиде во Вест Хем. Сега има 22 години и Тухел навистина сака да го донесе, особено што освен како последен играч за врска, може да игра и како стопер.
Траоре е производ на школата на Барселона, од каде пристигна на Островот пред 5 години, и би бил идеален за формацијата на Тухел од 3-4-3, каде што би можел да игра и како латерален бек и како крилен напаѓач.