Во сабота се затвора завесата во еврпскиот клупски фудбал со големото финале помеѓу Ливерпул и Реал Мадрид, а денеска Adidas ја презентираше и топката со која ќе се одлучи победникот.
Откако минатите години финалната топка беше препознатлива со јасните бои и силната графика, германскиот производител овој пат се одлучи за поинаков пристап. Бојата на топката е наречена Pure White, а ѕвездите ги краси сребреникава боја. Напишан е и зборот МИР заедно со неговиот англиски превод PEACE, што, нормално, се однесува на војната во Украина.
Она што сезонава е новост е тоа што толките нема да бидат пуштреби во малопродажба, туку оние со кои ќе се игра финалето ќе бидат ставени на аукција. Целиот профит ќе оди во одделот за бегалци на ОН.
Финалето меѓу Ливерпул и Реал Мадрид е закажано за в сабота на „Стад де Франс“ во Париз од 21 часот.