Администрацијата на Трамп вчера санкционираше 271 лице поврзани со сириската агенција одговорна за производство на неконвенционално оружје, во рамките на одговорот за наводното користење на хемиско оружје од страна на сирискиот претседател Башар Асад.
Мета на санкциите се вработени во Центарот за научни студии и истражувања за кој САД тврди дека делумно овозможува користење на хемиско оружје.
САД претходно го обвинија Асад за нападот во кој загинаа повеќе од 80 цивили во северен Идлиб што е под контрола на бунтовниците.
„САД со оваа постапка праќаат силна порака: дека нема да толерираме користење на хемиско оружје од која било страна", рече вчера министерот за финансии пред новинарите во Белата куќа.
Тој додаде дека ова е една од најголемите санкции во американската историја
Како резултат на овие мерки, целиот движен и недвижен имот на санкционираните мора да биде блокиран, а на американските државјани им е забрането да соработуваат со нив.
