Платформата за изнајмување сместувачки капацитети Airbnb објави листа на дестинации за кои предвидуваат дека ќе бидат најпопуларни во 2024 година.
Како што наведуваат на нивната официјална веб-страница, патувањето во наредната година носи многу изненадувања и нови трендови, вклучувајќи авантури во Јапонија, славење на карневалот во Бразил и Олимписките игри во Париз.
„Јасно е дека 2024 година се оформува како година на светски патувања - со многу возбудливи меѓународни дестинации кои се појавуваат на листата на трендови“, напишаа тие.
Користејќи различни параметри, тие ја наведуваат Јапонија како една од најдобрите дестинации за 2024 година, бидејќи туристите таму бараат уникатна комбинација на традиционалното и модерното. Така, на листата се најдоа градовите Токио, Осака и Кјото.
На листата е и Париз, кој ќе биде домаќин на Олимписките игри во 2024 година. Француската престолнина беше особено популарна во текот на летото, каде беше пребарувана повеќе од седум пати на оваа страница во споредба со минатата година.
Оваа листа го вклучува и Рио де Жанеиро бидејќи Airbnb забележа пораст од 136% во пребарувањата за карневалот во бразилскиот град.
Други дестинации за кои се предвидува дека ќе бидат најпопуларни во наредната година се:
- Индијанаполис (Индијана, САД)
- Варшава (Полска)
- Буенос Аирес (Аргентина)
- Маракеш (Мароко)
- Салвадор (Бразил)
- Дизелдорф (Германија)
- Пуерто дел Кармен (Канарски Острови, Шпанија)
- Мелбурн (Австралија)
- Филаделфија (Пенсилванија, САД)
- Лил (Франција)
- Стокхолм (Шведска)
- Кортина д'Ампецо (Италија)
- Милано (Италија)
- Рим (Италија)
- Масејо (Бразил)
- Далас (Тексас, САД)
- Мексико Сити (Мексико)
- Колорадо Спрингс (Колорадо, САД)
- Насау (Бахами)
