Актерката од Мостар, Амра Прутина почина ненадејно на 37-годишна возраст.
Вработените во Младинскиот театар Мостар ја потврдија тажната вест со емотивен пост на Facebook.
„Веста дека нашата Амра Прутина ја напуштила животната сцена во бесконечните пространства на невидливите сцени на вечноста, нè остави во шок, немаме зборови. Амра порасна во нашиот театар и постигна забележителни резултати вградувајќи се со целото свое битие во еМТееМ, што таа го прифати и сакаше како нејзин вистински дом, а ние неа како некој што ни е роднина. Почина ненадејно, на 37-годишна возраст, на возраст кога очекувавме најмногу од неа, но смртта беше побрза“, напишаа тие.
Амра е родена на 4 август 1984 година. Студирала глума на Катедрата за драмски уметности на Факултетот за хуманистички науки во Мостар. Учествувала на работилници и глумела во бројни претстави, како што се „Мимар“, „Ќелавата пејачка“, „Антигона“, „Современ мит“, „Станица Титаник“.
Добитник е на бројни награди. Меѓу другите, таа во 2007 година доби награда за дискретно водење на драмско-педагошкиот процес што резултира во радоста на детската игра во претставата „Славејот“ од Детското драмско студио eMTeeM на 10. Фестивал на детски театар БиХ во Грачаница.
