Како што пренесува извор близок до актерот за „Page Six“, славниот Ал Пачино има нова љубов.
Легендарниот 78-годишен актер е во врска со 39-годишна израелска актерка и пејачка Меитал Дохан.
Ал Пачино и актерката, позната по американската комична серија „Weeds“, за прв пат се видени заедно во еден ресторан во Лос Анџелес, а од тогаш тие интензивно го поминуваат времето во заедничко друштво.
„Тие се гледаат во последните неколку месеци и навистина изгледаат среќно“, вели изворот близок до актерот за „Page Six“, кој додава дека тие веќе и на настани се појавуваат како пар.
„На почетокот тие се криеја, но повеќе не гледаат причина да ја кријат својата врска од јавноста“, открива овој извор, кој сакаше да остане анонимен.
Ал Пачино ова лето го помина во Лос Анџелес, каде што тој учествуваше на снимањето на новиот филм на Тарантино „One Upon a Time in Hollywood“, во кој исто така ќе ги гледаме и Леонардо Дикаприо и Бред Пит.
Не е познато како овој пар точно се запознал, а актерката моментално живее во Лос Анџелес.
Од друга страна, славниот актер Ал Пачино има три деца, а до неодамна беше во врска со аргентинската актерка Луси Сола.