Алфи беа нападнати вчера попладне во обид да приведат лице што се барало за издржување на казна затвор.
Како што соопшти полицијата, околу 16:00 часот екипа на Алфа единицата пријавила дека на ул. „Ферид Бајрам“ го забележале А.Ќ. во автомобил со скопски регистарски ознаки, кој се бара за издржување казна затвор од 4 години,
Тој не ја послушал нивната наредба да го запре возилото и со голема брзина се упатил кон населбата Железара. Екипата тргнала во потрага по лицето и возилото, каде на ул.„Перо Наков“ А.Ќ. со автомобилот удрил во возилото на екипата Алфи, сопственост на МВР на РМ.
Во сообраќајната незгода тројца полициски службеници се здобиле со повреди и со возило на Итна медицинска помош биле пренесени во Ургентен центар. Повредените по укажаната лекарска помош се пуштени на домашно лекување.