Истражувањата покажаа дека луѓето кои се во долга врска и испробуваат различни сексуални пози имаат постабилна и повозбудлива врска.
За долга врска се смета за секоја врска подолга од три години, а интересните сексуални активности ги враќаат сите пеперутки кои можевме да ги почувствуваме на самиот почеток на врската, а кои со текот на времето избледеа.
Една таква поза е Амазонка, секс поза резервирана за силни жени кои сакаат да преземаат иницијатива и кои сакаат да бидат доминантни.
Оваа поза го добила името по Амазонките, жени воини од грчката митологија кои биле одлични јавачи и страв и трепет за сите мажи. Сепак, оваа поза е совршен начин да му покажете на партнерот колку ве привлекува, бидејќи подеднакво го разгорува и машкото, и женското задоволство.
Оваа поза би можеле да ја опишеме како обратна мисионерска поза. Мажот лежи на грб, а нозете му се свиткани во колената за да ја опфати и поддржи половината на жената. Жената седи врз мажот и го контролира темпото и динамиката на пенетрацијата.
Ова е поза која мажите тешко ја прифаќаат бидејќи не сакаат да ѝ ја препуштат контролата на партнерката, но кога конечно ќе ја испробаат оваа поза, таа ги остава без зборови и редовно ја вклучуваат во сексуалните односи.
Одлична е за триење, удобност, можност мажот да ја погледне жената во лице, како и постојанас стимулација на клиторисот што прави жените да се чувствуваат како кралици. Кога мажот ќе види колку жената ужива, тој брзо се прилагодува и ужива и во сексот.
Јан Кернер, сексуален терапевт и автор на She Comes First, вели дека оваа поза го олеснува контактот очи во очи, што е исклучително важно за создавање интимност. Ја практикуваат парови кои си веруваат, а буди чувство за сексуална поврзаност што е основа за разгорување на долготрајните врски.
Кои се предностите на позата Амазонка?
Кернер наведе некои од придобивките кои ќе ве убедат почесто да ја практикувате позата Амазонка:
- Можноста за заеднички оргазам
- Можноста за вклучување на секс играчки
- Овозможува контакт очи во очи, што е клучно за сексуалната интимност и создавање подлабока врска.
- Корисно е за женската самодоверба
- Партнерот има слободни раце за допир, што е и клучот за добар секс, особено за жените.
