Во денешниот модерен и брз свет, каде што често се соочуваме со низа одговорности и одвлекувања, понекогаш ги занемаруваме предизвиците и проблемите во врската.
Како резултат на тоа, често посегнуваме по фразата „Не грижи се, ќе средиме сè “ како брз лек. Сепак, психологот Џефри Бернстин тврди дека оваа фраза може да биде меч со две острици во партнерството, без разлика дали е романтично или друго.
„Иако често е наменета да охрабри и да даде надеж во тешки времиња, редовна употреба на овие шест збора без значајно дејство може да ја уништи довербата и да ги уништи партнерствата“, објасни тој за Psychology Today.
Тој даде три примери за тоа како оваа фраза може негативно да влијае на односите.
Лажно уверување
Кога проблемите во врската се влошуваат бидејќи една личност не презема конкретни чекори за да најде решение, тоа води до сомнеж и фрустрација, што на крајот ја уништува врската, објасни Бернстин.
Недостиг на одговорност
Кога во врската се избегнува сериозен разговор за проблеми и се преупотребува фразата „Не грижи се, ќе средиме сè“, тоа може негативно да се одрази на таа врска, вели психологот.
Така, наместо партнерите директно да се соочат со проблемите и да преземат одговорност за изнаоѓање решенија, тие се потпираат на празни ветувања за решението, без активно вклучување во решавањето на проблемот. Ова може да ја уништи врската, забележува Бернстин.
Проблеми во комуникацијата
Бернстин објаснува дека ако поопуштениот партнер постојано ја користи фразата „Не грижи се, ќе средиме сè“, без да го реши проблемот, тоа може да доведе до расправии. Покрај тоа, тоа доведува и до напнатост, а сето тоа постепено може да ја уништи врската.
Иако нудењето уверување и оптимизам е корисно во секое партнерство, подеднакво е важно партнерите да ги поткрепат своите зборови со значајна акција и вистински напор да се справат со предизвиците. Во спротивно, прекумерната употреба на „Не грижи се, ќе средиме сè “ постепено може да ја уништи довербата, комуникацијата и одговорноста, што на крајот доведува до влошување на односите, заклучи Бернстин.
