Амбер Херд ја презеде одговорноста за изметот што го оставила ноќта по жестоката расправија во креветот што го делеше со Џони Деп, изјави вчера во сведочењето еден од телохранителите на актерот.
Старлинг Џенкинс, член на обезбедувањето на Деп, сведочеше за детаљ кој значително влијаеше на односот меѓу поранешните сопружници, но и ја згрози целата јавност.
Џенкинс раскажа за денот кога сето тоа се случило и ноќта пред сето тоа да започне. Имено, Херд на 21 април 2015 година организирала вечера по повод нејзиниот 30-ти роденден во нивниот заеднички пентхаус апартман во Лос Анџелес. Во таа прилика Деп задоцнил затоа што „водел детален разговор за работата“, а кога конечно пристигнал го пречекала бесната Амбер која вербално и физички го нападнала.
Тогаш Деп решил да го напушти нивниот дом и да замине во својата куќа во Холивуд Хилс, а кога се вратил следното утро го дочекало непријатно изненадување - измет на неговата страна од креветот.
„Се насмеав, тоа беше мојот прв одговор на тоа“, рече Деп претходно во своето сведочење. „Беше толку бизарно и толку гротескно што можев само да се смеам“, продолжи актерот.
Џенкис раскажа како, пред актерката да замине од дома тоа утро за да оди на музичкиот фестивал Коачела, тој бил со неа и ѝ донел багаж и две кучиња. Со Амбер водел „разговор за изненадувањето“, кое таа го подготвила за неговиот шеф, а таа потоа сè опишала како „ужасна практична шега што тргнала наопаку“.
Херд ги обвини нејзините две кучиња за изметот, што според Деп било многу неубедливо бидејќи расата кучиња како Јоркширски териер е премногу мала за да направи толку голем неред.
„Живеев со тие кучиња и им го собирав изметот. Не беа тие“, изјави Деп претходно, убеден дека Амбер е таа што го направила тоа.
Судењето меѓу поранешните сопружници сѐ уште е во тек, а секој ден некои детали повторно ја изненадуваат јавноста.
