После првите голови, стигна и првото исклучување на Златан Ибрахимовиќ во американската лига, а најверојатно ќе следи и остра казна.
Американците добија шанса да го видат неоспорниот талент и неверојатната самоувереност во играта на Ибрахимовиќ, а сега имнаа шанса да ја видат и неговата препознатлива пргавост и темперамент.
36-годишниот Швеѓанец со балканско потекло му удри „заушка“ одзади на фудбалер на Монтреал Импакт бидејќи го згазна на стапало.
Збунетиот Мајкл Петрасо се фати за глава и падна на теренот, а веднаш по него се струполи и Ибра и се обиде на ист начин да го „смекне“ судијата Исмаил Елфат, но тоа беше невозможно бидејќи судијата имаше на располагање ВАР технологија со која јасно можеше да види што се случило и недвосмислено да му го покаже патот до соблекувалната на фудбалскиот ветеран уште во 40. минута.
Со играч помалку, тимот на Ибрахимовиќ Л.А. Галакси се бранеше со сите сили и успеа во 75-та минута да постигне еден гол за конечни 0:1 и прекин на лошата серија.
Тимот ќе игра без Ибра со Сан Хозе Квејкс викендов, но се очекува уште поостра казна за овој црвен картон од пропуштање на еден натпревар.
Ибрахимовиќ дојде во Галакси во јануари од Манчестер Јунајтед.
