Пилотот Вилијам Мајк Грабс на авиокомпанијата American Airlines починал вчера за време на лет од Далас за Албакерки, Ново Мексико.
Авионот Boing 737-800 со кој управувал Грабс бил три километри пред слетување кога капетанот соопштил итна медицинска ситуација во пилотската кабина, објави BBC.
„Авионот безбедно слетал без инциденти на пистата каде чекаше медицинска екипа“, рече портпаролот на аеродромот во Албакерки.
Нема повредени патници.
„Нашите мисли и молитви се со семејството на пилотот Грабс“, рече портпаролката на Аmerican Airlines Поли Трејси.
Во 2015 година, за време на ноќен лет од Феникс за Бостон исто така почина пилот на American Airlinesa. Авионот тогаш слета во Сиракуза, Њујорк со помош на копилотот.