Ана Брнабиќ: Србија е на раб на војна со Косово

Премиерката на Србија утринава на белградскиот аеродром отвори нова воздушна линија меѓу Белград и Тијанѓин во Кина.

Ана Брнабиќ ја искористи приликата да ја искоментира и тензичната ситуација на Косово.

„Денес имате ваков ден, прекрасен ден, нешто на што работиме повеќе од две години, воведување на директната линија на нашиот превозник со Пекинг. И имате ситуација кога некој во Приштина ве враќа назад, не во 19-ти, туку во 18-ти век. Имаме инвеститори, работни места, сè повеќе млади луѓе кои се враќаат од дијаспората, а некој секогаш ве враќа во 18-ти век. И мислам дека сè што направи Курти е опасност не само за Србите , но за Албанците, за цела Европа и дека тоа е политика на 19-от век“, рече Брнабиќ.

Таа додаде: „Курти нè доведе сите на работ на војна. Не го направи тоа сам. Не ги штитат Србите на Косово и Метохија. Веќе секојдневно гледаме кршење на Кумановскиот и Бриселскиот договор. Според тоа, многу сме блиску до тоа, Вучиќ денеска ќе даде повеќе информации, за да побара враќање на нашите сили на Косово и Метохија“.

Тензиите кои траат со месеци дојдоа до точка на вриење

„Доведени сме на работ на вооружен конфликт. Тука нè донесе неодговорна личност. Претседателот Вучиќ зборуваше за тоа повеќе од 10 пати. Тој човек, Курти, носи одредена нестабилност секој ден. Доволна е само искра. Не можам да ги разберам ниту НАТО, ниту КФОР, ниту ЕУЛЕКС, бидејќи на територијата на Косово и Метохија немате владеење на правото ниту гарантирани основни човекови права“, заклучи српската премиерка Брнабиќ.

Шефот на канцеларијата за Косово и Метохија на српската влада, Петар Петковиќ, во четвртокот вечерта, по повод влезот на двесте косовски полицајци во северниот дел на Косовска Митровица, изјави дека Србија „ќе размисли“ за враќање на до 1.000 припадници на армијата и полицијата на Косово, во согласност со Резолуцијата 1244 на Советот за безбедност на ОН - И.

Косовските медиуми на српски јазик објавија дека по 20 часот во четвртокот меѓу 200 и 300 полицајци придружувани од оклопни возила влегле во северниот дел на градот, кој е претежно населен со Срби, и дека биле распоредени на периферијата на градот, по што Петковиќ закажа вонредна конференција за новинарите во владата на Србија.

Неговата оценка е дека косовскиот премиер Албин Курти со испраќањето на полицијата „продолжува со незаконски и насилни акции“ насочени кон „окупација на северот на Косово“, кој е претежно населен со Срби.

Тензиите на северот траат со месеци, а неодамна се интензивираа во кампањата на Приштина за воведување на пререгистрација на табличките за косовските градови издадени во Србија на табличките РКС / Република Косово, што локалните Срби, со поддршка на Белград, одбиваат, па нивните претставници во знак на протест ги напуштија косовските институции.

По низата притисоци од Брисел и Вашингтон, беше постигнато привремено компромисно решение, но тензиите не завршија бидејќи Приштина сака да воспостави систем на администрација на целата територија на Косово, додека Белград инсистира на почитување на бриселскиот договор со кој Косовската влада, под покровителство на ЕУ, се обврза на формирање на Заедница на српски општини.

реклама

Цвеќе кое е одлично против мувла, го чисти и воздухот, го препорачува и НАСА

Read more

Нов готвачки гаф на Бруклин Бекам - ги расипа лазањите

Read more

Нов тренд полека ја заменува порнографијата: Аудио еротика

Read more

Камерите ги побија зборовите на Алвес - Шпанците детално го опишаа силувањето

Read more

Регион

Два вагони-цистерни со фосфорна киселина се излизгаа во Зајечар

Read more

Милков: Софија презема мерки за случајот со Христијан Пендиков

Read more

Имињата на бугарските клубови во Северна Македонија се 100% провокација! Зошто се правиме наудрени?

Read more

Ноев: Има бугарски политичари кои ги влошуваат односите со Скопје и работат во интерес на Кремљ

Read more
 

Вести

Приведени пет лица кои сексуално злоупотребувале малолетничка од Велес и снимале порнографски материјал

Читај повеќе

Спасовски: Апелирам да не се блокираат патишта, на мирно и достоинствено чествување

Читај повеќе

Два вагони-цистерни со фосфорна киселина се излизгаа во Зајечар

Читај повеќе

Снег паѓа речиси низ цела земја, на Шапка најмногу наврна - 83 сантиметри

Читај повеќе

Се самоуби велешанец кој тешко повреди девојка, таа се бори за живот на Клинички

Читај повеќе

Облачно и студено со повремени врнежи од дожд и снег

Читај повеќе

Ковачевски: Нема да има ценовен шок до крајот на 2023 година

Читај повеќе

Единаесет загинати и исто толку повредени во ракетниот напад во Украина

Читај повеќе

Ќе се реконструираат сите споменици од НОБ

Читај повеќе