Анџелина Џоли во неодамнешното интервју потврди дека работи на третото продолжение на серијалот Maleficent.
Последниот филм од серијалот, наречен Maleficent: Mistress of Evil, беше објавен во 2019 година, а најновото продолжение е моментално во продукција.
Maleficent е играна адаптација и римејк на анимираниот класик „Заспаната убавица“ од 1959 година. Во филмот Џоли ја отелотвори злобната самовила Малефисент (Злорада), од чија перспектива е раскажан целиот филм. Заедно со Анџелина Џоли, во филмовите глумеа Ел Фанинг, Мишел Фајфер, Харис Дикинсон, Ед Скрајн, Чиветел Еџиофор и Џуно Темпл.
Филмовите Maleficent колективно заработија повеќе од 1 милијарда долари, што ги прави меѓу најуспешните адаптации на Disney.
Џоли не навлегува во детали за продукцијата на новиот филм, па сè уште не е познато дали остатокот од актерската екипа од претходните филмови ќе се појави во Maleficent 3.
Џоли за време на интервјуто откри дека сака да се одмори од актерството и да се оддалечи од Холивуд. Нејзината желба е да се пресели на некое време во Камбоџа.
„Пораснав на прилично плитко место. Од сите места во светот, Холивуд не е здраво место. Затоа ја барам автентичноста", рекла актерката. „Ќе се иселам штом можам.“
Актерката признала и дека веројатно не би се занимавала со глума доколку денес повторно би бирала кариера, бидејќи би сакала да ја зачува својата приватност.
„Кога почнав, не се очекуваше актерите да бидат толку јавни, да споделат толку многу детали“, изјави Џоли.
