Германската канцеларка Ангела Меркел како втора доза ја прими вакцината против COVID-19 на компанијата Moderna, пренесе BBC.
66-годишната Меркел претходно на 16 април ја прими првата доза на AstraZeneca. Канцеларката ја прими првата доза од вакцината, две недели откако германските власти препорачаа употреба на таа вакцина за лица постари од 60 години.
Некои експерти сметаат дека мешањето на вакцините би можело да биде доба идеја, но сè уште е рано за да бидат сигурни во тоа.
Досега се направени неколку студии за мешање на вакцините. Едно истражување во Обединетото Кралство покажа дека луѓето пријавиле благи до умерени нуспојави по мешање на дози од AstraZeneca и Pfizer.