Банофи питата е англиски деликатес кој името го добил токму од главните состојки банана и карамела (тофи), а бидејќи нејзината кора е направена од мелени бисквити, не се пече.
Тоа е десерт кој се прави брзо и лесно, па затоа е идеален дури и за почетници во кујната.
Потребни состојки:
- 100 гр путер
- 250 гр мелени бисквити
за филот:
- 150 гр путер
- 150 гр шеќер
- конзерва слатко кондензирано млеко
- 2 средни банани
- 200 мл шлаг
- рендано чоколадо (за декорација)
Подготовка:
Прво растопете го путерот на тивок оган и измешајте го со мелените бисквити. Потоа смесата притиснете ја во калапот и оставете ја во фрижидер да се стегне.
Во друг сад се изматете ги путерот и шеќерот, па ставете ги во тенџере заедно со кондензираното млеко и мешајте на тивок оган додека сѐ не се растопи, а потоа и згусне.
Прелијте ја смесата врз основата од калапот и оставете да се излади. Кога колачот ќе се стегне, исечкајте ги бананите и наредете ги. Изматете го шлагот и додадете го преку колачот. На крајот додадете рендано чоколадо за декорација.
