Филм & ТВ

„Ant-Man and the Wasp“ го освои викенд боксофисот

11. јули 2018 - 14:29 | К.З.

Секогаш кога во киносалите се појавува филм до студиото Marvel, гледачите се наредени пред киното и прават огромни редици за билети. Ништо поразлично не беше ниту со „Ant-Man and the Wasp“, кој уште во првиот викенд на прикажување успеа да се искачи на врвот на боксофисот.

„Jurassic World: Fallen Kingdom“ не успеа да се задржи подолго на првото место на боксофисот и падна на второто место откако „Ant-Man and the Wasp“ ја доживеа неговата премиера.

Со заработка од преку 75 милиони долари во првиот викенд од прикажувањето, „Ant-Man and the Wasp“ го освои првото место на светскиот боксофис, победувајќи ги притоа новитетите како „The First Purge“ и „Whitney“.

Двата филма кои минатата недела беа на самиот врв, „Jurassic World: Fallen Kingdom“ и „Incredibles 2“ оваа недела паднаа за само едно место. Логично, бидејќи заработија далеку помалку отколку во премиерните недели на прикажување. „Solo: A Star Wars Story“ продолжи да разочарува и испадна од Топ 10 на боксофисот, со заработка од само 1 милион во изминатата недела.

Топ 10 филмови со најголема заработка минатиот викенд:

  1. Ant-Man and the Wasp – 75,8 милиони долари
  2. Jurassic World: Fallen Kingdom – 28,6 милиони
  3. Incredibles 2 – 28,4 милиони
  4. The First Purge – 17,3 милиони
  5. Sicario: Day of the Soldado – 7,6 милиони
  6. Uncle Drew – 6,6 милиони
  7. Ocean’s 8 – 5 милиони
  8. Tag – 3 милиони
  9. Won’t You Be My Neighbor? – 2,5 милиони
  10. Deadpool 2 – 1,6 милиони

Коментирај