По повод протестите за отфрлање на францускиот предлог, лидерот на Левица изјави дека Македонија има многи други алтернативи каде што може да се влезе наместо во Европската Унија.
„Нашиот став е да не се прекинуваат преговорите со ЕУ, но и да не се игра само на една карта, бидејќи тоа е погубен став“.
„Има многу алтернативи. Видете го српскиот пример. Го имате Движењето на неврзаните, каде што игра Вучиќ. Ги имате БРИКС, ја имате Појас и пат иницијативата, зближување со други големи светски сили. Има многу алтернативи. Исто така и Европската економска зона е една од алтернативите. Како и Отворен Балкан што е дамнешна левичарска идеја на Балканска конфедерација“, вели Димитар Апасиев, еден од поборниците за протестот.
„Има многу иницијативи, само затворен ум не ги гледа. Ум кој е ЕУ фундаменталистички платен од Сорос, тоа не може да го види. Сите концепти се отворени. Светот е широк, голем, има многу креативни идеи, сè е на маса и со сите треба да играме. Тоа е нашиот став отсекогаш“, додаде тој.
„Интернационализмот е позната левичарска концепција и треба да се игра со сите земји од ОН, со сите регионални и пошироки иницијативи каде што има алтернативи. Само затворен ум не може да ги види. Ние ги гледаме“.
