Фудбалерите на Арсенал со шокантен пораз од Њукасл на гости најверојатно го загубија местото во Лигата на шампионите, кое до синоќа речиси го имаа и зависеше најмногу од нив самите.
Арсенал беше речиси сигурен во Лигата на шампионите. Сепак, двата пораза во рок од четири дена од Тотенхем и Њукасл ги натераа „Топчиите“ да имаат само математички шанси пред последното коло.
Гостите направија неколку полушанси на стартот, но потоа Њукасл заигра многу подобро и со одлична офанзива изведе 8 корнери до полувремето. Сепак, изостанаа поголеми шанси и голови.
Второто полувреме целосно им припаѓа на „Страчките“. Во 55. минута, одличен контра напад на домашните, Жоелинтон асистираше кон капитенот Калум Вилсон, но пред него топката во сопствената мрежа ја испрати Бен Вајт, стоперот на Арсенал.
Следуваа уште неколку одлични можности за Њукасл, а најдобрите ги пропушти Вилсон кој двапати шутираше над глот на Арон Рамсдејл, но топката мина покрај голот и Бруно Гимараеш во 85. минута.
На четири минути пред крајот Бруну Гимарајс налета на една одбиена топка и ја смести во мрежата за конечни 2:0.
Оваа победа на Њукасл значи дека Тотенхем најверојатно ќе оди во Лигата на шампионите. Најголемиот ривал на Арсенал има два бода повеќе во пресрет на последното коло и игра против најслабиот тим во лигата, Норич, кој одамна испадна.
На Тотенхем му треба само бод против Норич бидејќи има подобра гол-разлика од Арсенал за дури 15. Во Англија, за разлика од другите големи европски лиги, при ист број на бодови не одлучува меѓусебниот дуел туку вкупната гол-разлика.
Табела:
