Астрологот Олга Савиќ од Venerasapapilotnom.com, објаснува што точно значи спојувањето на Венера и Плутон во знакот Јарец и како тоа се одразува на нашето секојдневие.
„Венера влезе во знакот Јарец на 5 ноември, но конјукцијата со Плутон ја достигна на 25 ноември. Спојот ќе трае до 5 јануари, а потоа повторно од 19 февруари до 6 март“, вели таа.
Откако Плутон влезе во знакот Јарец во 2008 година, Венера има контакт со него во тој знак на секоја година и неколку месеци. Затоа, во секоја година од 2008 година, се случува спојување на Венера и Плутон во знакот Јарец. Ова секогаш се случува во зимските месеци и тоа е нормален аспект што се случува постојано.
„Прашањето ‘Што значи кога Венера оди кон Плутон во знакот Јарец?’ е исто како да прашаш ‘Што ќе се случи кога автомобилот ќе тргне да се движи кон раскрсница?’ Зависи од автомобилот, од возачот, од гужвите, од времето, од сто фактори. Некои без проблем ќе ја поминат раскрсницата, некои ќе се судрат и ќе ја оштетат колата, некои ќе се заглават (ако има кружен тек, на пример) и нема да можат да излезат долго време, туку ќе се вртат во круг“, вели Савиќ.
„Самата Венера ја претставува емотивно-материјалната сфера. Едноставно кажано – љубов, уживање, пари. Нејзината врска со Плутон ќе донесе различни нешта на различни луѓе. За некого опсесивна љубов, силни страсти, за некого сексуално насилство и вознемирување, за некои кармички врски - почетоци или нивно обновување, бидејќи Венера од спојот со Плутон ќе тргне ретроградно, за некои огромни промени во постоечките емотивни односи - трансформација на љубовта“, најавува астрологот.
„Некои ќе крадат пари што не се нивни, кражби и ‘газење преку трупови’ за пари, некои добивки, некои загуби, некои ќе добијат потреба од правење тешки козметички корекции (усни, гради, задник - сѐ што е ‘обло’) и да си го сменат личниот опис, за други ќе донесе гинеколошки интервенции или интервенции на дојката поради ткивото што расте (фиброиди, полипи, цисти, карциноми)“, пренесува prva.rs.
„Ниту еден аспект, дури ни овој, не е сам за себе. Се гледа во контекст на наталната карта на поединецот, за да може да се каже што ќе ѝ донесе на таа индивидуа“, вели Савиќ.