Авиокомпанијата Cathay Pacific од Хонгконг по грешка продаде карти од прва и бизнис класа за 1/24 од регуларната цена, објави news.com.au.
Картите за летови во август од Виетнам за Њујорк во краток временски период беа пуштени во продажба по цена од 675 долари. Карти за истите летови во јули и септември чинат 16.000 долари.
Авиокомпанијата веќе излезе со соопштение дека се работи за грешка, но вети дека секој што купил карта по багателната цена ќе може да ја искористи без проблем.
Невообичаено ниските цени за авиобилетите на 31 декември беа забележани од неколкумина блогери за патување кои веднаш ја објавија информацијата на социјалните мрежи.
Веста за кратко време стигна и до Cathay Pacific од каде веднаш направија корекција на цената.
Не е познато дали се работи за техничка грешка или за хакерски упад.