Фудбалерите на Австралија го совладаа Тунис попладнево во Ал Вакра со 1-0 (1-0) во воведниот натпревар од второто коло во групата Д на Светското првенство 2022.
Австралијците поведоа во 23 минута со голот на Мичел Дјук што на крајот се покажа како доволен за победа.
Во првото коло Австралија загуби од актуелниот светски првак Франција со 4:1, додека Тунис ремизираше без голови против Данска.
Второто коло во групата Д ќе се комплетира вечерва со дуелот меѓу Франција и Данска со почеток во 17 часот.
Австралија во последното коло ќе има директен дуел со Данска за пласман во осминафиналето.
